 Mae'n swyddogol - mae Cerys Matthews wedi mynd i'r jyngl!
Ar ôl wythnosau o ddamcanu, mae itv.com o'r diwedd wedi cadarnhau'r cystadleuthwyr ar gyfer I’m A Celebrity Get Me Out of Here eleni – ac mae ein Cer yn un ohonynt.
Mae Bandiau Cymreig Wythnosol wedi galw ar ein hen ffrind Blodi i gadw llygad ar anturiaethau Cerys yn y jyngl mewn ysgrif newydd, Ceryswatch. Bydd Blodi yn dod â newyddion cyson ar sut mae Cerys yn neud, a bydd o'n rhoi gwybod i chi am y rhif i ffonio i bleidleisio iddi hi.
Mae Cerys yn deud ar wefan IACGMOOH bod ganddi hi ffobias am "gynhron, lindysau, pry cop, pryfaid, llygod mawr, moscitos, morgryg tân, gelau, uchder a nadrodd" - so gwiliwch allan am 'bush tucker trials' diddorol…
Bydd diwrnod 1 o Ceryswatch yn dechrau ar y tudalen 'ma Nos Lun 12 Tachwedd 2007, ar ôl i'r sioe orffen ar ITV - welwn ni chi wedyn! |
