Mi rhan fwya ohonoch yn siwr o fod wedi clywed am Jim’ll Fixit… ‘Now-then now-then now-then’. Yr hen foi gwallt gwyn a sigar oedd yn gallu gwireddu breuddwydion - y boi hefo’r ateb i bopeth. Wel anghofiwch o bobol, fi Loopy Loo ydi’r Fixit newydd – Loo Fixit. Dwi yma i helpu ac i ateb eich cwestiynau. Unrhyw beth da chi rhy stiwpid, diog neu hefo gormod o gywilydd ei ofyn. Gofynnwch i Loopy Loo. Loo will Fixit for U! Danfonwch e-bost draw atai hefo cwestiwn – unrhyw gwestiwn looloo@welshbandsweekly.com mi wnai ymdrechu i ffendio’r ateb, ac mi fyddwn chyhoeddi’r cwestiynau ar y wefan, gan ddewis y rhai mwya diddorol a difyr i’w gyhoeddi yn y rhifyn nesa! Dim gwobr am y cwestiynau gorau fodd bynnag, ond mi fyddwn yn gwella eich anwybodaeth. Anwybodaeth dyn o’i anwybodaeth ei hun yw anwybodaeth ar ei waethaf.
Mae’r cwestiynau yn y rhifyn yma wedi cael ei ofyn gan rhai o awduron WBW ac am ryw reswm mae pawb wedi gofyn cwestiwn am anatomi anifeiliaid! Da ni’n gwbod be sydd ar feddwl tîm WBW!
Karen, perchen rhestr SFA ac awdur a benodwyd yn ddiweddar i weithio ar WBW, sydd yn gofyn:
‘Adar hynod bluog. Sut ma nhw’n ei ‘chael hi off’?’
Wel Karen. Yn syml: does dim pidlan gan aderyn gwryw a dim fajinsan gan aderyn benywaidd. Beth sydd gan y mwyafrif o adar yw cloaca, twll, mae sberm yn symud i geg cloaca yr aderyn gwryw pan mae’n amser paru. Yna mae’r ddau aderyn yn rhoi eu cloacau at ei gilydd mewn rhywbeth a elwir yn ‘sws cloacal’. Fydd y sberm wedyn yn cael ei drosglwyddo et voilá. Gall y sberm gael ei gadw yn yng nglamlas cloacal yr aderyn benywaidd am rhai cannoedd o ddyddiau – ych a fi! Ffecin afiach!
Dyma oedd cwestiwn Debs :
‘Sut bod gwallt pen a barf yn gallu dal i dyfu lawr at dy draed ond bod blew ar weddill y corff yn cynnwys piwbs, cesail, eiliau ac ati yn aros fel y maent? Be di’r ateb?
Nid yw blew y pen a bafr yn tyfu am byth. Mae na gylchred tyfiant gwallt sydd yn parhau am rhwng 2-6 mlynedd ac wedyn yn aros heb dyfiant o gwbwl am oddeudu 3 mis. Yna mae ffoligl blewyn newydd yn cychwyn yng ngwreiddyn y blewyn marw ac mae’r gwallt yn cychwyn tyfu eto. Mae blew pen a bafr o ansawdd cryfach felly mae’r blewyn newydd yn gallu cydio yn yr blewyn marw a dal i dyfu. Ar weddill y corff fodd bynnag, mae’r cylchred yn parhau ddim ond am ychydig wythnosau. Sydd yn gyfleus iawn a deud y gwir neu fel arall mi fyddwn i gyd hefo mop o wallt cedor a blew corff fel Chewbacca. … argh!
Holodd Lewis:
‘Â’i dim ond y Carp sydd ddim yn heneiddio neu ydi hynny’n wir am bob pysgodyn?’
Mae rhan fwya o bysgod yn heneiddio, - cyfrwch y rhigymau sydd ar cen y pysgodyn a defnyddiwch yr offeryn hi-tec brawychus yma – sydd yn tynnu cen oddiar y pysgodyn druan, cymeryd argraff ohono a rhoi’r argraff hwnnw o dan rhywbeth sydd yn edrych yn debyg i ‘microfiche’ mawr.
Felly dyma chi bobol annwyl, y cyfan fedrai ateb ar gyfer y rhifyn yma. Dewch yn ol i ymweld a safle Welsh Bands Weekly yn fuan er mwyn cael y diweddara gan Loo Fixit. A danfonwch ddigon o gwestiynau i mi. Rhai gwirion a rhai gwallgo. Dyma Loo Loo, Welsh Bands Weekly yn chwifio ei sigar a deud ta-ta!
Cyfieithu: Menai. |
